Ostringar på tinget

Osterøy Sogelag

Søk på Osterøy Sogelag

Ostringar på tinget – II

«Ostringar på tinget» er del II i serien av tingsaker frå Osterøy. Denne serien er kjeldeutgåver av tingbøkene for Nordhordland. Boka inneheld alle tingsakene på bygdetinga på Osterøy i perioden frå 1702 til 1728. Dette gjeld tingbøkene 28–36.

I tingbøkene finn me alle dei sakene som var føre på bygdetinga på Osterøy. Det gjeld tinga for Mjelde skipreide, Hosanger skipreide og delar av Arna skipreide (gardane i Bruvik).

På bygdetinga las bøndene bygselsetlane sin for å gjera dei gyldige. Her vart skattane oppkravde, og påbod frå styresmaktene kunngjorde. Men aller viktigaste var det at på tinget vart alle rettssaker pådømde. Alt dette finn me nedskrive i tingbøkene.

Dei mange sakene me finn i tingbøkene har rett nok ei negativ vinkling, fordi utgangspunktet var at noko gale hadde skjedd. Men gjennom omfattande vitneførsle i mange saker frå me eit framifrå innsyn i korleis ostringane levde i kvardagen. Tingbøkene er såleis ei eineståande kjelde til lokalhistoria.

Denne utgåva er utstyrt med eit stadnamnregister, som kan brukast som nøkkel til å finna fram til saker og personar på dei einskilde gardane.

Avskrifta av tingbøkene er gjord av Håkon Aasheim.

Boka er på 287 sider. Pris kr 200 + ev. porto.

Utgjevar: Osterøy Sogelag, 5281 Valestrandsfossen

ISBN 978-82-91229-20-1

Utgjevingsår: 2009

Boka kan tingast med e-post til: gkleivel@online.no